نيجى بقى الى موقع uploading
موقع ابلودنج زى اى موقع ابلود بتتعامل معاه بس بيفرق فى بعض المميزات وبعض العيوب
مميزاته انه سهل فى الرفع يمكنك رفع ملفات حتى 300 مبجا بايت للملف الواحد
ويتم وضع الرابط فى قائمة الاعلانات بعد 1000 تحميل ماعلينا الوقتى عيوبة اية
انه البورتات بتاعته بتكون مشغولة فى معظم الاحيان طيب دة هنتعامل معاه ازاى
بطريقة ثابته وهى الموقع السابق هنا
طيب بالنسبة ل استكمال التحميل موقع ابلودنج يدعم استكمال التحميل وبرضوا لو النت
فصل تقدر تعمل نفس الطريقة بتاعت ميجا ابلود ل استكمال التحميل مرة اخرى .
دة على سبيل المثال رابط لموقع ابلودنج :
تابع معايا الشرح :
=======
قم بوضع الرابط وازالة علامة الصح ثم اضغط على go وتابع الشرح
بعد كتابة مجموعة الارقام قم بالضغط على start download انتظر حتى يظهر رابط التحميل
ملحوظة هامة الافضل ان تقوم بالضغط على الرابط كلك يمين ثم download with idman
وتنتظر 10 ثوانى حتى يقوم الرابط بالتحويل ولا تستعجل بالضغط على start download
فى برنامج الدون لود يجب عليك الانتظار 10 ثوانى .
برنامج ال Idman هو افضل برنامج للتحميل من موقع ابلودنج ويفضل استعماله وتجربته
حتى تشاهد النتيجة بنفسك .
بالنسبة ل استكمال التحميل من ابلودنج اعتقد انها مش محتاجة شرح هى هى نفسى الطريقة
بتاعت ميجا ابلود بدون اى تغيير كل ماعليك انك هتغير الرابط دة فى حالة لو الرابط صلاحيتة
انتهت يعنى يطلعلك رسالة ان الرابط مش موجود ساعتها تجيب رابط جديد بنفس الطريقة .
طيب بالنسبة لتتابع الملفات من موقع ابلودنج ينفع .؟ اة ينفع عادى جدا بس اهم حاجة ان يكون
النت عندك سريع لان الروابط اذا لم يتحميلها فى خلال ساعات سوف يتم انتهاء صلاحياتها.
يبقى احنا كدة تناولنا مع بعض اهم النقاط فى موقع megaupload و uploading
واسهل الطرق وامكاناتها وكيفية التغلب على عقبات مواقع الابلود والتحميل بكل سهولة.
نيجى بقى لموقع rapidshare
احتار الاطباء فى ايجاد اى دوء لهذا الموقع الزبالة ولكنى وجدت طريقة سهلة للتحميل من ربدشير
هى اية تابع معايا الشرح :
اول حاجة لازم توقف برنامج الدون لود (idman) لانة ربدشير لايدعم التحميل من برامج
الدون لود .
وبعد كدة هتحمل عادى خالص طيب حملت وطلعت ليك رسالة تخنق بتقول انك لازم تستنة
ساعة عشان تقدر تحمل تانى من ربدشير تعمل اية .؟
هندخل على الموقع حبيب قلبى وهو هيتصرف طيب تعالوا نشوف الشرح مع بعض :
دة على سبيل المثال رابط لموقع ربدشير
هتضغط على الرابط عادى جدا وتختار free
انتظر قليلا
قم بكتابة الحروف والارقام ثم اضغط على download
دى الطريقة العادية للتحميل من ربدشير وطبعا ربدشير لايدعم استكمال التحميل
ماعلينا نيجى بقى وقت الانتظار والذى قد يصل الى ساعة او اكثر هنعمل معاه اية
هتدخل الموقع حبيبنا وتضع الرابط تابع الشرح :
قم ب اضافة رابط التحميل وقم ب ازالة علامات الصح واضغط go
سوف يتم نقلك الى صفحة جديدة وتظهر رسالة انه لايمكن التحميل فى نفس المكان اللى انت
حطيت فيه الرابط بتاع ربدشير هتلاقى الرابط اتحول
هتاخد الرابط كوبى وتضعة فى صفحة جديدة وتضغط go سوف يتم التحميل فورا .
بكدة احنا قدرنا نعرف مجموعة من المعلومات والطرق الخاصة ب اهم 3 مواقع للتحميل
ميجا ابلود وربدشير وابلودنج ويارب يكون الشرح بتاعى وافى ويشمل جميع النقاط
شكرا لكم على حسن المتابعه وان شاء الله تقدروا تحملوا من المواقع دى بكل سهولة .
2_ طريقة التعامل مع اى ملفات ل اى فيلم
هنا هنعرض معظم المشاكل التى يتعرض لها الاعضاء بعد التحميل ومعها الحلول العملية
ان شاء الله . تابع الشرح
اهم المشاكل التى كانت تقابل الاعضاء فى الفترة الماضية هى الباص ورد للملفات
وقد يواجه من قام بتحميل الملفات مشاكل صغيرة ولكن لايعرف ماهو حلها هنبدا من البداية
وظهور فى بعض المواقع بعض البرامج لضرب باص ورد الملفات المضغوطة ولاكن
لا جدوى من استخدامها فهو موضوع فاشل .
كل فيلم بيكون عبارة عن مجموعة اجزاء وغالبا بيكون معظم الروابط نفس الحجم ماعدا
الرابط الاخير بيكون اقل فى الحجم
يعنى لو الفيلم مثلا 11 جزء
بيكون الجزء الاول الى الجزء العاشر مساحة كل منهم 95.78 والجزء ال11 بيكون مثلا 60
لازم تحمل اجزاء الفيلم كلها عشان تقدر تفك الضغط
سوف نعرض اولا طريقة فك الغط ثم بعد ذلك نعرض مختلف المشاكل
كما تشاهد فى الصورة ان الفيلم يتكون من 4 ملفات يجب عليك تحميل الملفات كاملة حتى
تستطيع فك ضغط الفيلم
كما تشاهد فى الصورة قم بوضع الملفات فى فلدر مستقل لوحدهم يعنى وقم بالضغط على الجزء
الاول كلك يمين ثم اختار ex here
وبكده انت فكيت ضغط الفيلم وكله تمام قم بحزف الملفات المضغوطة ومبروك الفيلم وصل .
نيجى بقى نعرض بعض المشاكل التى ممكن ان تواجهنا فى فك اى فيلم .
كلام جميل اول مشكلة ممكن تقابلنا هى اية :
فى بعض الاحيان عند فك ضغط الفيلم تجد ان هناك ملف تالف يعنى اية يعنى لو انت بتفك
الضغط يطلع رسالة ان الجزء السابع مثلا تالف او فى مشكلة هذا لايعنى بالضرورة ان الملف
اصله تالف لا هذا يعنى انك قمت بتحميل الملف ناقص يعنى الموقع نزله ليك ناقص يبقى
لازم تحمل الجزء دة تانى ولو الملف ناقص 1 كيلوا بايت فلن يتم فك الضغط .
ثانى مشكلة ممكن تقابلنا
هى عند اكتمال تحميل الملفات وعند فك الضغط تظهر لك رسالة ب ان هناك كتلة ناقصة
وهى تعنى ان هناك جزء ناقص نفترض انه الجزء الثالث سوف تظهر هذة الرسالة
مع انك قمت بتحميل جميع الاجزاء مليون فى المية هتلاقى اسم الجزء الثالث مختلف عن
اسماء باقى الاجزاء كما هو موضح فى الصورة
يبقى للحل المشكلة دى تاكد تماما ب ان الملفات جميعها تحمل نفس الاسم ب اختلاف رقم
الجزء تاكد جيدا ممكن تكون مش واخد بالك ان فى ملف اسمه متغير
واذا نظرت فى الصورة جيدا سوف تجد ان الفرق بين الملفات وبين الجزء الثالث هو فاصل .
المشكلة الاخيرة وهى مشكلة الباص ورد وهى مشكلة سهله جدا وحلها بسيط
ظهر موخر فى بعض المنتديات من يقومون بوضع باص ورد مثل هذا
او
او
هنشوف الوقتى مشكلة الباص ورد اول حاجة يفضل انك تقوم ب اخذ الباص ورد Copy .
تانى حاجة اتاكد ان الباص ورد لايحمل اى حرف كابتل W لالا فهو w .
لاحظ الفرق بين الباص وردين هناك حرف كابتل وهو ال w
ثالث حاجة تاكد ان جميع اجزاء الفيلم مظبوطة وكاملة .
يبقى كدة نقدر نفهم بسهولة كالاتى :
1_ تاخد الباص ورد copy
2_ أن لايحمل الباص ورد اى حرف كابتل .
3_ التاكد من ان جميع اجزاء الفيلم كاملة .
فى مشكلة برضوا واحد طلب حلها منى ولم يكن يعلم كيف يتصرف مع هذة المشكلة
نفترض انك بتحميل فيلم قديم او بتحمل فيلم لشخص مبتدىء فى الرفع ولم يمكن يعلم
نقطة مهمة جدا وهى امتداد الافلام وهنقول الوقتى المشكلة بتكون ازاى وتحلها
ازاى كله موجود تابع الشرح
وظهور الملف بالشكل دة يعنى الملف يحتاج الى تصريح .RAR حتى يتم تحويلة لملف مضغوط
يمكنك فكه وطبعا هنطبق باقى الشروط ان الاجزاء كلها تكون نفس الاسم ب اختلاف الرقم فقط .
دى اغلب المشاكل التى يواجها الاعضاء بعد تحميل الافلام ويكون عليها استفسارات كثيرة
اتمنى انى اكون قد جمعت معظم المشاكل والحلول الاساسية لها ولو فى اى استفسار
سوف اقوم بالرد عليه فورا .
3_ كيفية تقسيم الافلام ورفعها على مواقع الابلود
اولا لابد وان تحدد بعض النقاط الهامة اولا ومنها امكانيات الموقع الذى سوف تقوم
بالرفع علية وسرعات الرفع فمن الممكن ان يضيع تعبك فى رفع رابط واحد فى لحظة
انا افضل موقع ميجاابلود لانه الاول فى العالم وفى مقدمة مواقع الابلود
وياتى بعده موقع rapidshare فى الترتيب العالمى ولكن لو جينا نقارن مش هنلاقى
مقارنة بين دة ودة فا ميجا ابلود هو الافضل .
ثم ياتى بعدهم موقع uploading والذى اعتبره من المواقع المميزة ولكن بدا ينهار
فى الفترة الماضية نظرا لقيامه ب اغلاق بورتات التحميل فى بلدان كثيرة ف اصبح
التحميل منه قليل ولذلك بدا ينهار واستعاد توازنة وبدا يفتح بورتات اكتير فى بلدان
كثيرة .
ملحوظة هامة :
احذر مواقع الابلود الجديدة انت سوف تقوم برفع الافلام ومن الممكن ان تكون الروابط مباشرة
ولكن سرعان ما سوف يتحول الموقع الى باقى المواقع ويمكن اشد يبقى تعبك هيضيع على
الفاضى كل اللى يهم مواقع الابلود هو الشهرة والترتيب العالمى والاعلانات والحسابات
المتميزة طبعا عشان تقدر تحمل الملفات .
سوف نعرض اولا كيفية تقسيم الافلام وبسهولة جدا هنشرح
انت بتقوم بتحديد الاجزاء اللى انت عاوز تضغطها سواء جزء واحد من الفيلم او الفيلم كله
ممكن تضيف صورة او ملف تكست وتعلم عليهم كلهم وتضغط كلك يمين وتختار
add to archive تمام كدة فهمنا اول نقطة .
هتلاقى اسم الملف طبعا انت بتكتبة الاسم اللى انت عاوزه بس خلى بالك ان الامتداد بتاعه .rar
ويفضل انه يكون .rar اظن كدة ماشيين كويس
بعد ما كتبت الاسم صح كله تمام هنيجى بقى ل اهم نقطة انت عاوز الفيلم يضغط فى ملف
واحد ولا مجموعة ملفات بحد اقصى 96 ميجا للملف الواحد
لو عاوز الفيلم يضغط فى ملف واحد سيب الاختيار دة فاضى
لو عاوز الفيلم يضغط فى مجموعة ملفات اقل من 100 ميجا لكى تستطيع الرفع
على موقع مثل rapidshare يبقى تختار تانى اختيار .
لحد الوقتى تمام فاهم لو مش فاهم اعيد تانى .
طيب لو عاوز تعمل الملفات دى بباص ورد هنعمل اية هتضغط على advanced
وتختار set password وهتكتب الباص ورد مرتين وتضغط اوك
قبل ما تضغط Ok النهاية تاكد من ان كل شىء تمام ولم تنسى شىء حتى لاتعيد
الضغط مرة اخرى .
عند الانتهاء من ضغط الفيلم قم بوضعه فى ملف وقم بفك ضغطه حتى تتاكد قبل الرفع
ان الفيلم تمام وان الباص ورد سليم فمن النادر وجود عطل فى الملفات يبقى لازم نتاكد
من الملفات بتاعتنا قبل ما ندخل على الرفع .
ثانيا طريقة رفع الملفات على اى موقع ابلود فى الدنيا سهلة جدا وناخد مثال المساحة المدعومة
من ميجا ابلود الخاصة .
الوقتى قبل مانرفع الملف لازم نتاكد ونكون واثيق ان الملف مش هيتحزف او هيدخل القائمة
السوداء
طيب هنعمل اية عاوز ترفع ملفات كتير وتضمن انها ماتتحزفش نهائى حتى لو بعد 50 شهر
ارفع على مساحة برامج نت على ميجا ابلود اضغط هنا
هتلاقى الشكل دة هتضغط على browse لكى تختار الملف المراد رفعه ثم تكت وصف للملف
بتاعك وبعد كدة تضغط send وجرب بنفسك ارفع اى ملف ومتحملوش وادخل علية
بعد 6شهور او بعد سنة او بعد سنتين فعمر الملف من عمر موقع ميجاابلود .
طريقة الرفع على ربدشير قريبا
اتمنى ان الموضوع يكون على المستوى المطلوب وان شاء الله يستفيد منه الاعضاء
المشاكل التى يواجها الاخوة الاعضاء
اخى الكريم قم بعمل رفرش للصفحة ومحاولة تحميل الملف مرة اخرى وارجوا اخذ صورهللجهاز عند مواجهة هذة المشكلة
اتمنى ان الموضوع يكون قدم ولو مساعدة بسيطة لكافة الاعضاء اللى عندهم اى استفسار
او اى مشاكل بخصوص الافلام سواء فى مواقع الابلود او فى الملفات او فى التحميل
وان شاء الله موعدنا قريبا مع اى جديد يظهر فى عالم الافلام ومواقع الابلود
خالص تحياتى للجميع